Siunertat ilequillu

Højskolip Siunertai

Siunertarivai tassaallutik uku, inuttut siuariaatissatut atortussat malillugit, ilinnialeqqinnissamut ilinniarfeqarfinnulluunniit allanut ingerlariaqqinnissamut aqqutissiuisoq. Piffissamik ataqqinninneq, malinnaaneq, alloriarnissaq, pikkoriffiit pitsanngorsariartorlugit, taakkualu siunertaralugit ingerlariaqqititsisoq.

Eqqaarusutat ukuupput, atuaannarnata aamma atuarfiup iluani paarilluaanissaq pingaartitap ilaaniippoq. Soorlu ataasinngorneq, pingasunngorneq tallimanngornerlu eqqiaasapugut, asaalluta sanerluta, illorsuaq aamma arnat ilinniarfiat eqqiartarlugit. Taakkuinnaanngittullu iggavimmiittarneq aamma pingaartinneqarpoq, inuttut inerikkiartornermut akuummat pisussaaffimmi paarinninnermiilluni.

Højskolip Ileqqui

Højskolip qangaaniilli ileqquisa ilannguat tassa, ullaakkut ataatsimoornermi 08:15 nalunaaqutaq malillugu, ataatsimooreernermi naggasiutigisartagaq tassaavoq eqqarsaatissiineq, eqqarsaatisseereernermilu erinarsoqatigiinneq, højskolilu nammineq erinarsuuteqarpoq. Eqqarsaatissiinerlu tassaavoq ullormut eqqarsaatississutit immaqaluunnit ullormut tusartikkusutat arlaat quote-q.

Ileqqullu aappaa unaavoq, iggavimmiisitsineq. Iggavimmiinnermilu  ilinniarneqarsinnaasut ukuupput nerisassiorneq, iganeq, iggavimmilu suliassaasinnaasut tamarmik. Ullaakkullu 09:00 14:00 iggavimmi atuartunik ikiorteqartoqartarpoq, unnukkullu iggavimmiittoqartarluni 17:00-miik 19:00 tungaanut. Weekendinilu 11:00-miik 14:00 tungaanut, unnukkut taannaanginnarluni. Ilikkagassaq ilaaniippoq taanna, atuartullu tulleriarlugit misilioraatsinneqartarput.