Ilinniartitsisussarsiorneq Knud Rasmussenip Højskolianut
Knud Rasmussen højskolia Sisimiuni inissisimasuuvoq. 48-inik ilinniartuuteqarnissaminik inissaateqartarpoq, agguaqatigisillugu 50-it sinnilaarlugit ilinniartuutigineqartarput.
Atuaqatigiit pingasunngorlugit avinneqartarput. Atuartullu atuartitsiviusussat tamakkerlugit ingerlavigisarpaat, ukiup avinnerani ingerlaviusumi.
Qaammatit qulini ingerlasussani ukioq manna ilinniartuuteqassuugut, tassanilu misilitsinnerit anguneqassallutik.
Højskolimi anguniakkatut siunertaapput atuartunut ataatsimoorluni ataasiakkaarluniluunniit ineriartornissaq, ilaatigut imaqarluartumik pitsaassutsimillu pingaartitsisumik atuartitsineq oqaloqatigiinnerlu aqqutigalugit.
Atuartitsissutit assigiinngitsut ingerlanneqartarput, tassaasut: Kalaallisut, Qallunaatut, Tuluttut, Upperisalerineq, Inuiaqatigiilerineq, Oqaluttuarisaaneq, Haalimi timersorneq, silamilu timersorneq, Erinarsorneq/ nipilersorneq, assasorneq, sanalunnerlu.
Aasakkut aallartittuni asiarsimaarneq ilanngullugu sammineqartarpoq.
Ilinniartitsoq naatsorsuutigaarput:
Ilinniartitsisutut ilinniarsimasoq, Ilinniartitsisoq ammasoq, qiimasoq, aaliangiisinnaasoq, soqutiginnittorlu atuartut anguniagassaannik siunniussalik, atuartunut assigiinngitsunut tunuliaqutalinnut sulilluarsinnaasoq ujartorparput.
Nipilersuutit arlaat piginnaasaqarfigigukku pitsaassaaq. Ilinniartitsisunngortussap aammattaaq suliassaanut ilaavoq pikkorissaanerni assigiinngitsuni pilersaarusioqataallunilu pikkorissaaqataasarnissaq.
Atuartut atuarfiusumi januar – maj aallartinnerata missaanniikkajupput, taakkununnga ersinngitsumik innarluutilinnik ilaqartarput, taamatullu atuarfiusumi august – december.
Sulisut aalajangersimasut 11-uvugut. Sulisut akornanni ilinniartullu peqatigalugit asiarnerit, aavaqatigiinnerit il.il. atuupput.
Aningaasarsiat atorfininnermullu atugassarititaasut:
IMAK-imi akissarsiat sulinermilu atugassarititaasut isumaqatigiissutit atuuttut malillugit aaqqinneqassapput. Atorfimmut atatillugu inissaqartitsisoqarpoq.
Paasissutissat sukumiinerusut uunga saaffiginnilluni pissarsiarineqarsinnaapput:
Pisortaq Paninguak´ Kruse Rafaelsen , telefon: 86 40 32, toqqaannartoq 38 86 24, email: pmk@krh.gl
Qinnuteqaat paasissutissanik ilalik højskolimi tiguneqariissaaq kingusinnerpaamik 01. Maj. 2024